Qazax, avqust 2013 - Gürcüstanla sərhəddə yerləşən Qazax rayonunda 8-9 –cu sinif şagirdləri üçün yay düşərgəsi təşkil edilmişdir. Üç gün ərzində Qazaxın müxtəlif kəndlərindən gələn uşaqlara  liderlik, debat oratorluğu, könüllülük və aktiv həyat tərzi haqqında təlimlər keçirmişdir. Layihənin kordinatoru Çiçək Cəfərli düşərgə ərzində uşaqlara toxuculuq dərsləri də keçmişdir.

Bərdə, avqust 2013 - Bərdədəki velotur nəinki yeniyetmələri hətta  validyenləri də bir araya gətirən möhtəşəm bir tədbir oldu. Başlanğıcda layihə komandsı iştirakçılara aktiv həyat tərzi, ətraf mühit çirklənməsi və velosiped sürməyin faydası haqqında təlim vermişdilər. Daha sonra layihə komandası iştirakçılara velosiped sürmək dərsləri keçmişdir. Qızları da bu prosesə qatmaq o qədər də asan deyil idi, amma komanda bu işi də uğurla bacardı. Şəkildə layihə üzvü Ülkər Kərimlinin  yeniyetmə qızı velosiped sürməyini öyrətməsini görə bilərsiniz.

Berlin, sentyabr 2013 - Heidelberg Universitetiin Sosial İnvestisiya Mərkəzinin İcma və Demokratiyanın Tədrisi Proqramı tərəfindən Joint Civic Education proqramının qiymətləndirilməsi keçiritlmişdir.Bölgədə gördüyümüz işləri və onların yerli əhaliyə təsiri haqqında təəsürratı genişləndirmək üçün Azərbaycan, Ermənistan, Gürcüstan, Türkiyə və Rusiyadakı  İcma və Demokratiyanın Tədrisi Proqramının Təsiri Analizinin dərcini burada tapa bilərsiniz.